حماتي

—

لكم الاكل وبعدين لقيت صباح بترضع ابنها قولت اسيبها بقا واجي اني يلا انا ماشية بقا ياسعيد لحسن امك تستغيبني فوتكم بعافيه
وسبتهم ومشيت وانا راجعه البيت قابلت تهاني جارتي وقالت لي
تهاني
ازيك يافاطمة ايه يابت محدش بيشوفك ليه بقالي مده مش شوفتك هو احنا مش كنا أصحاب يابت ولا ايه
فاطمة
ابدا والله يا تهاني بس انتي عارفه العيال والدار والشغل اللي مش بيخلص فيها ده غير الحمل اللي تعبني ده
تهاني
ربنا يكملك على خير يافاطمة وتقومي بالسلامة يارب ان شاء الله ده انا سمعت صباح سلفتك بتقول انك هتجيبي بنت كمان وعماله تتكلم مع النسوان في السوق وبتقول قال ايه ان حماتك عايزة تجوز سعيد جوزك عشان انتي خلفتك كلها بنات
فاطمة
يابنت الكلب ياصباح بقا عماله تتكلم علينا مع النسوان في السوق وتجيب سيرتي وحيات امي لاوريها
تهاني
بقولك ايه يا فاطمة انا مقالتش حاجة ياختي حكم انتي عارفة صباح دي سو ولسانها طويل أطول منها
فاطمة
مټخافيش يابت مش هجيب سيرتك يلا انا همشي بقا ارجع الدار عشان الوليه حماتي متقوليش كلمتين ملهومش لازمة
ورجعت البيت ودخلت حماتي قالت لي
الحما
اتاخرتي ليه كده يابت كل ده بتودي الاكل لجوزك
فاطمة
ايوه ياحماتي اومال ايه مانتي عارفه المشوار لحد الغيط بعيد ولا انتي عايزاني اجري واني حامل كده واذي نفسي
تحيه
ياختي بلا نيلة قال حمل قال يلا اطلعي السطح اكلي الطيور اللي فوق لحسن من امبارح مكالوش حاجة وانتي نازله ابقي دكرين بط حلوين وكبار كده وهاتيهم معاكي
فاطمة
دكرين بط ليه ياحماتي هتعملي بيهم ايه
تحيه
يووه وانتي مالك انتي يابت انا هاخدهم زيارة لواحدة صاحبتي يلا اعملي ليك همه شوية
وطلعت فوق السطوح وفضلت اكل الطيور وطول النهار مقعدش ومرتاحتش من شغل البيت واخر النهار رجع سعيد وعلام ودخلوا عند امهم وقالت
الحما
حمد الله على السلامة ياولادي ايه اخبار الرزع ياسعيد هتجمع البصل امتى كده
سعيد
خلاص ياما هانت كلها اسبوعين ونجمعوه بس الزرعة السنة دي مش حلوه ربنا يستر بقا
علام
ايوه ياسعيد الخۏف كله من المحصول ده السنه دي حاسس انه مش هيجيب حق الري اللي عملناه فيه
تحيه
ان شاء الله خير ياولاد طيب ده حتى الناس في البلد بتقول ان رزعنا احلى زرع
سعيد
ماهو القر بتاعهم ده اللي جايبنا ورا ياما انا هاقوم اطلع اغير هدومي واخد دش واريح شوية
علام
خودني معاك ياسعيد انا كمان اطلع شقتي ارتاح شوية
تحيه
استني يا علام انا عايزاك في كلمتين روح انت ياسعيد
وطلع سعيد وكنت نايمة في الصالة وقالي
بت يافاطمة انتي يابت ايه اللي منيمك هنا كده قومي ادخلي نامي في الاوضة على السرير
فاطمة بكسل
انت جيت ياسعيد اقوم احضر لك العشا ياخويا
سعيد
لا انا مش عايز اكل انا هدخل اخد دش عشان الحق انام شوية قومي انتي نامي جوه يلا
فاطمة
اني كنت عايزة اتكلم معاك في حاجه كده ياسعيد
سعيد
حاجة ايه يا فاطمه وبعدين هو ده وقته يعنى قولي عايزه تتكلمي في ايه
فاطمة
مرات اخوك وامك ياسعيد عمالين يتفقو عليا هما الاتنين قال ايه امك عايزة تجوزك واحده تخلف لك الواد اللي اني مش عارفة اجيبهولك
سعيد
ايه يابت التخاريف اللي بتقولي عليها دي وامي هتعوز تجوزني ليه يامخبولة انتي دي امي بتحبك بطلي الكلام الفاضي بتاعك ده انا مش فاضي لكلام النسوان ده
فاطمة
بقا انا بقول كلام فاضي ياسعيد يعني دلوقتي لو امك قالت لك تتجوز عليا هتسمع كلامها
سعيد
تاني هتقول الكلام ده يابت اتجوز عليكي ايه بس هو انا قادر على مصاريفك انتي وبناتك واللي جاية في السكة دي
عشان
اروح اجيب لنفسي هم
—

تاني كفايه عليا انتي وبناتك قومي يافاطمة نامي قومي بلا كلام فاضي
وسابني ودخل الحمام وانا قولت لنفسي
خليك كدهو ياسعيد عمرك ماتصدق حاجة على امك ابدا
وعند حماتي تحت كانت قاعده مع علام وقالت له
بص بقا انت لازم تقنعه يتجوز ياعلام الواد ياحبة عيني كاتم في قلبه وساكت ومش عايز يتكلم انا مش عارفه هي المخڤيه دي عملاله عمل ومخلياه مش شايف غيرها ولا ايه
علام
ياما وهو يعني سعيد كان اشتكى لك انه عايز يخلف ولد ماهو ربنا كرمة بالنبات اهو ربنا يخليهم ليه يارب ويقدر على تربيتهم وبعدين فاطمة غلبانة ياما بلاش الكلام اللي بتقوليه عليها
تحيه
والنبي ماحد غلبان غيرك انت واخوك ياعلام اخوك نفسه في الواد بس قادر يتكلم لما بيشوف ولادك قدامه بحس بالحسړة في عنيه بس مش بيتكلم
علام
لا حول ولا قوة الا بالله ريحي نفسك ياما سعيد مش هيتجوز على فاطمة ده بيحبها وبعدين فاطمة أصيلة ومستحمله ياما متجيش عليها بقا انتي كمان ياما
تحيه
طيب بص احنا هنجوزة لنبوية اخت صباح في السر دي بت زي العسل واهي هتخلف له الواد ونبقى نعرف المخڤيه بعد لما نبوية تخلف