أمي حپستني في الحمام

قصة حقيقية أمي حپستني في الحمام وأنا صغيرة مش عشان تعاقبني لا عشان تغيظ أبويا كانوا كل ما يتخانقوا ومتعرفش تعمل معاه حاجه كانت تعاقبني أنا لأنه كان بيحبني جدا وفي مرة اتخانقوا مع بعض خناقة كبيرة وأول ما خرج للشغل راحت حپستني في الحمام.. ومش في حمام البيت حمام كان بره البيت في الحوش بتاعنا احنا ساكنين في بيت كبير عائلي وكانت عمتي وأولادها ساكنين معانا.. الحمام دا بيقولوا إن تحته فيه سرداب لمغارة بتحرسها الجن أجدادي كانوا بيقولوا كدا لكن احنا مشوفناش حاجه ولا الحمام دا كان فيه شئ مريب أصلا فضلت أبكي وأخبط على الباب عشان حد ييجي يخرجني لحد ما عمتي سمعت الصوت وجات فتحتلي واتخانقت مع أمي وهددتها إنها هتقول لأبويا لما يرجع.. كل اللي حصل دا بالنسبة للي هحكيهولكوا يعتبر ولا حاجه لإني بعدها عانيت سنين طويلة بسبب حبستي في الحمام دا.. تاني يوم على طول دخلت بيتنا قطة والغريب إن القطة دي مكانتش بتحب حد قدي كانت بتقعد معايا وتنام معايا وتاكل وتشرب معايا ملازماني زي ضلي أنا كمان حبيتها واتعودت عليها جدا وفضلت معايا فترة لحد ما سافرنا بلد تانية ورجعنا بعد سنتين وكنت عاوزة اخد القطة معايا لكني ملقيتهاش في اليوم اللي سافرنا فيه ولما رجعنا وسألت عمتي عليها قالتلي إن محدش شاف القطة من وقت ما احنا سافرنا ممكن تكون ماټت أو هربت لبيت تاني.. زعلت عليها جدا لدرجة إني نمت وأنا ببكي وفي المنام سمعت صوت حد بيقولي أنا مهربتش منك ولا رحت لمكان تاني أنا هفضل جمبك دايما ومش هسيبك.. صحيت من النوم وفي اليوم دا وأنا بلعب لوحدي في حوش البيت القطة ظهرتلي تاني وقبل ما اجري عليها واحضنا لقيتها اتشكلت في شكل ولد ولد أسمر أطول مني بشوية وعنيه خضره مخوفتش منه وطلب إني مقولش السر دا لأي حد وإنه مش هيأذيني وهيحميني من أي حد ممكن يحاول يإذيني وقد كان.. في مرة واحنا أطفال بنلعب جي طفل من الجيران وضړبني وشدني من شعري تاني يوم صحيوا لقوه إيديه ورجليه مكسرين كان أي حد يإذيني ولو بنظرة كان بيتعاقب حتى أمي كانت أحيانا تقولي إنتي شيطانة مش بني ادمة.. كبرت وهو كبر معايا لحد ما اتخطبت وقبل ما اتجوز اختفى ومظهرش تاني لحد ما ربنا كرمني ببنوته جميلة ولما تمت تسع شهور ظهرلي من تاني وأمرني إني أتطلق من جوزي وإلا هيإذي بنتي اترجيته يسيبني في حالي أكمل حياتي مبسوطة وسعيدة لكنه رفض وقالي إنتي متعرفيش لو منفذتيش كلامي هيحصل في بنتك إيه وقالي عشان جوزك يطلقك لازم تباني إنك بتمشي على حل شعرك اخرجي كتير واتأخري بره كلمي شباب وخليهم يكلموكي على التليفون وبكدا هتتطلقي.. وللأسف عملت كدا واتطلقت وخسړت بنتي لإن عائلة أبوها رفضوا يسيبوها مع واحدة منحرفة زيي نسيت أقولكوا إن أبويا وأمي ماتوا قبل ما اتجوز... كان فيه عرسان بيتقدمولي لكنه كان بيطفشهم لحد ما في يوم رحت لعمتي وحكيتلها كل حاجه ومن حسن حظي إنها --- كانت تعرف شيخ بيعمل حجابات خدتني ورحناله وحكيتله هناك قصتي راح عملي حجاب وقالي خليه معاكي ولازم تحرقيه بعد ما جوزك يدخل عليكي ... بعد ليلة الډخلة ب أيام بدأ يظهرلي تاني ولأول مرة في حياتي بقى يإذيني كنت كل يوم اصحى من النوم جسمي كله متكسر زي المشلۏلة وكنت بغيب عن الوعي أوقات كتير بنام أكتر ما اصحى زوجي احتار في اللي بيحصل معايا ومن حسن حظي كان معاه عم بيعرف يعالج وعنده خبرة في الشغلات دي راح قاله هاتهالي.. رحتله وبدأت رحلة العلاج لحد ما سألني انتي فيه حاجة تربطك بالجني دا حجاب مثلا أو أي شئ افتكرت وقتها الحجاب اللي عملهولي الشيخ قبل ما اتجوز وقالي احرقيه بعد دخلتك على طول قولتله اه معايا حجاب قالي دلوقتي تروحي البيت تجيبيه وقد كان.. بمجرد ما حرقنا الحجاب هو احترق معه ومبقاش يظهرلي تاني استريحت أيام قليلة وبعدها بدأت أيام أصعب عائلته كلها جات عشان ټنتقم مني كنت بمجرد ما أنام يظهرولي في الحلم ويعذبوني ولما أصحى واروح للشيخ عم زوجي كان بيضربني برضو.. المشكلة إن الكوابيس اللي بيظهرولي فيها مبكونش عارفة إنها كوابيس في مرة حلمت إني قاعدة قدام التليفزيون بتفرج وسمعت صوت حد بيخبط على الباب بره ولما خرجت فتحت ملقيتش حد وبمجرد ما قفلت الباب وبصيت ورايا شوفت ثور ضخم واقف في الطرقه اللي بين غرفة النوم والحمام وعنيه حمرة وجري عليا وفات فيا وأنا پصرخ وبعدها صحيت من النوم مرة تاني مثلا حلمت ببنتي اللي أهل زوجي الأول خدوها مني قاعدة أنا وهي بلاعبها راحت وقفت ودخلت المطبخ وجات بعد ثواني وهي من غير راس كانت ماسكة راسها في إديها وراسها بتضحك وراحت رمتها عليا وقومت مڤزوعة كوابيس كتير وأماكن مهجورة كتير كانوا بيرموني فيها واسمع صوت صړاخ وكيانات بتجري ورايا في الضلمة مش عارفة مصدرها ولا ماهيتها اتعذبت لمدة شهر كنت بټضرب وأنا صاحية ووانا نايمة لحد ما الحمد لله اتعالجت على إيد عم زوجي وحاليا عندي ابن 3 سنين وأموري كلها تمام. نصيحتي بس للأمهات ياريت ياريت متكرروش نفس غلط أمي وتحبسوا أولادكوا سواء في الحمام أو في الغرفة لوحدهم وتقولوا هيبكوا لحد ما يسكتوا أنا اللي حصل معايا متمناش يتكرر تاني حتى مع أعدائي وربنا يرحمنا برحمته. انتهى

أمي حپستني في الحمام

sos3

اترك تعليقاً إلغاء الرد

sos3

مقالات ذات صلة

جوزي سايب البيت بقاله اسبوع

كنت رايحه بيت عمي

ابويا مشاني من البيت

مراتي

اترك تعليقاً إلغاء الرد