بوست بقلم سارة حجازي غلطت غلطة من ١١ سنة وتقريبا لسه بدفع تمنها للنهارده جهد ووقت وفلوس.. من ١١ سنه تقريبا يحيى كان تقريبا كان عمره ٣ سنين الا كام شهر ..كنت بشتغل، ساعتها في شركة هولنديه مالتي ناشونال في دبي ..وكانت الشركة من المزايا بتعتها بتدي بديل تعليم للأطفال وكان بيقدروه لتلات أطفال تقريبا بس اي موظف يقدر يستخدم المبلغ كله حتى لطفل واحد .. كان تقريبا ٤١ الف درهم يعني بما يعادل في مصر ٥٥٠ ألف جنيه فأنا كأم فرحانه بإبنها الأول وعاوزه احطه في مكان اطمن عليه طول ما انا في الشغل ويكون مبسوط وأقدر أشوفه طول الوقت على الكاميرات ويعلموه كويس ويأكلوه ويشربوه ويعملواه فشار وسناك وشويه هيعملوله بادكير ومنيكير . المهم اخترت حضانه بريطانيه متخصصه في السن ده وفعلا دفعت فيها المبلغ كله المكان فعلا زي ما اي حد بيحلم يعلم عياله الفصول واسعه جدا كل الفصول بانوراما على حديقة غير الحديقه تحت والالعاب وحمام السباحة والسينما كمان بجد مش بهزر كانوا بيعرضولهم فيلم كل خميس مع فشار على قد سنهم ويتناقشوا فيه.. انا طبعا بالنسبه ليا كأم معرفش حاجة عن موضوع التعليم خالص أهم حاجة عندي ان الولد بيجي مبسوط وعاوز يروح كل يوم وبيلعب ومنفتح على الحياه وبيتعلم كل يوم حاجة جديده كان يحيى لسه مابيكلمش بدأ ينطق شويه كلمات انجليزي قلت أكيد عشان المعلمات كلهم بريطانين ومتخصصين ..شويه شويه ألاقيه بينطق جمل بس بردوه بالإنجليزي واللكنه كانت بريطاني صرف باين عليه الصرف على رأي ام خالد المصېبة بقى أما بدأت أجي أكلمه بالعربي ألاقيه مش بيفهمني عاوزه مثلا أقوله هات الكوبايه ديه ..يقعد يدور حواليه هوه فاهم اني عاوزه حاجة بس مش فاهم الكلمات ومعانيها المهم في وسط ده هيا بالنسبه ليا حضانه حلوة بيتعلم فيها حاجات كتير مبسوط وبيأكل كويس وبيعبتولي تقارير اسبوعيه وشهريه ومكان مطمنه عليه واهوه اي تجمع ولا حاجة هاتوا الخواجة شوف يحي بيتكلم ازاي ..! وحللي عقدة حياتي خريجة مدارس حكومية بقفل في الانجليزي كل سنه وداخلة كليه المفروض ان دراستها كلها بالإنجليزي ومبعرفش أقول جملتين على بعض زيه كده .. لحتى أما الموضوع بدأ يكبر أكلمه بالعربي ساعات يفهم بس مش عاوز يرد بالعربي يستسهل الانجليزي عاوز طبعا يتفرج على اي حاجة بالانجليزي سهل عنده يلعب مع أي أطفال بتواصلوا بالإنجليزي وده كان سهل ومطلوب في دبي عشان معظم الثقافات مختلفة. المشكلة بقى حستها اما لاقيته مره وهوه بيلعب وفي وسط اللعب في حاجة خضته لاقيته بيعمل وبيقول Jesus طبعا أنا سمعت وما استوعبتش وكمان بيقولها بسرعه كده في وسط الكلام فقربت منه بقوله انت بتقول ايه يا يحيى ..لاقيته كررها ..بقوله مين قالهالك بيقول الميس بتعمل كده في الفصل ياحلاوة المهم --- من يومها اټخضيت جدا حسيت في حاجة غلط في الحضانات والمدارس ديه بس كنت براقب بس مش مستوعبه ولا مدركة حجم الكارثه اللي داخله عليها.. المهم نزلنا مصر دخل مدرسه في اولى ابتدائي العيال طبعا بتبدأ تكتب وتقرأ وهوه لسه اصلا مايعرفش أ ب ااه نسيت اقولكم وأنا كنت بقدم في حضانه من أفضل الحضانات او حضانات المدارس اللي كانت في دبي كان ساعات بيطلعلي ورقه امضي عليها فيها تعهد انهم مش هيعلموه عربي ولا دين ..بس كانت حضانته مامضنونيش على الورقه ديه بس كنت مستغربه اوي هوه للدرجة ديه لازم أمضي تعهد ..هوه لو الموضوع مش خطېر مش هتوصل إني امضي انا طبعا مش فاهمه حاجة خالص .. المهم قبل ماننزل مصر كنت بسأل ايه الحل هاتيله محفظه قرآن تحفظه قرآن وهيبقى كويس طبعا الولد بيروح الحضانه شايف ألعاب وأنشطه وتنطيط ولعب واغاني وقص واستيكرات وجو للتعلم تاني خالص والمحفظه بتجي ساعه عاوزه تخلص وتنجز ..واللغه أصلا تقيله عليه فبقى خناق وصويت على الحصه . نزلنا طبعا مصر ..العيال في سنه في حته تانيه خالص في العربي وهوه لسه بيتعلم أ ب وعاوز يتعلم العربي زي الأجانب وبدأت رحلة معاناه شاقه جدا طبعا كل اما اتكلم عن إن ابني عنده مشكلة في العربي جامده جدا بلاقي برود غريب بدل بيعرف يتكلم انجليزي في السن ده يبقى زي الفل هوه حد طايل وأنا عندي كابوس إن ابني يبقى عنده القرآن زي طلاسم زي كلمات بيرددها ومش فاهم منها حاجة إنه أصلا مش حاسس بأي انتماء لا لغه ولا دين ..ولو تعلمون ده شىء كارثي طبعا ربنا رزقنا عن طريق بعض المعارف بالشيخ حمزة صبور جدا عاى الاطفال الصغار كان عمره تقريبا ٧ سنين او أقل حاجة بسطيه يعملهم أنشطه يقعد معاهم وقت طويل جدا يأكلوا ويلعبوا وشنطتهركانت مليانه ألعاب قد كده عشان الأولاد بس طبعا كمقابل كان عالي عليا جدا لأن كان ممكن يقعد معاهم ٤ ساعات مثلا بس كنت بستثمر تقريبا كل اللي بحصل عليه في العربي والقرآن .. بعد كده وبنا رزقنا بفتره بمعلمة أسماء كانت في احدى مساحات التعلم الحر كانت جميله بتتقن العربيه وبتتكلم معاهم بالفصحى بس بتعتمد طول الوقت على الحكي والقصص والأنشطه .. وكانت اكاديمية بنيان ليها الفضل في الرحلة ديه وهكذا من معلم لمعلمة لشيخ ..في رحلة شاقه وطويله ومكلفه جدا ذهنيا وماديا . كأني بدور على إبره في كوم قش إن أدور على معلم او معلمه يقدروا يشدوه ويربطوه باللغه والقرآن ويتعاطوا معاه --- ومع أسئلته ويكونوا حريصين فعلا على الأهداف الأساسيه من تعلم اللغه والقرآن .. أنا في النهايه هدفي إن يحيى يحب اللغه نفسها اللغه يعني الدين والدين يعني اللغه مش مجرد يتكلم ويكتب ويقرأ وخلاص اللغه يعني هويه وثقافه وانتماء ودين وتاريخ وزوق ووعي لحتى أما من سنه تقريبا ربنا رزقنا بمعلم أحمد Abdaleal أزهري عنده من العلم الشرعي معتز باللغه العربيه سنه مش كبير فبيبقى عنده طاقه للسن بتاع يحيى ١٢١٣ سنه وفعلا بدأ معاه الحمد الله رحلة الغوص والتعمق في معاني الآيات أكتر وازاي نقدر نطبقها في حياتنا بجانب العقيده والفقه وضبط اللغه العربيه وقواعدها بجانب استيعابه لنفسيه السن ده وتحدياته الجميل بقى إنهم دايما كانوا بيأخدوا الحصه جنب المسجد وكانوا بيروحوا يصلوا مع بعض في أوقات الصلاة . من ثمار الرحلة الطويله ديه او هدايا الطريق إن المعلم اتفق معاه إن يضبط حياته ووقته ومواعيده على الصلوات ويبدأ يومه من بعد صلاة الفجر ..وفعلا ماشاء الله يحيى ألاقيه صاحي الفجر بيصحيني بيقولي أنا نازل الجامع عارفه البوست طويل اوي ..بس مهم او يعتبر ده أهم بوست كتبته الطفل لو مابيعرفش يتكلم عربي كويس حتى لو بيحفظ قرآن كويس هيبقى عامل زي الملسمين من الهند وباكستان بيعرفوا قرآن بس مش فاهمين ولا كلمة منه والدين بيضيع پضياع اللغة وتقريبا بيطلع اولاد احفاده مايعرفوش حاجة عن الدين غير إنهم مسلمين لأن جدودهم كانوا مسلمين . سنة ١٨٣٥ أما الإنجليز كانوا عاوزين يحتلوا الهند ..فبعتوا علماء الإجتماع يدرسوا طبيعه المجتمع وكان سؤالهم الأساسي ازاي إحنا بالأعداد القليلة ديه نقدر نحتل الملايين دول من البشر في الهند فرجع بكذا نقطة من أهمهم ازدراء لغتهم تماما وإضعافها ماتلغهاش بس خليها بلا وزن ولاقيمة وتاني نقطه صناعة أشخاص هنود لهم ملامح هندية وبيتكلموا لغتهم بس عقولهم واذواقهم انجليزية . وده يمكن سبب طلبهم إني أمضي على التعهد بعدم تعليمهم اللغه والدين في مدراسهم الجميل بقى بعد الرحلة الطويلة ديه طبعا لغته الإنجليزيه اتأثرت جدا خصوصا بعد كل السنين ديه وحاجة تحزن طبعا فجاءة لاقينا السنه اللي فاتت أسرة من استراليا جايين مصر عشان يعلموا ولادهم عربي وقرآن والغريب انهم قدموا في مدرسه يحيي عادي مع انها مش انترناشونال ولاقيت الولد بقى مع يحيي في الفصل والباص والمنطقه السكنيه والنادي لاقيت لغته رجعت أحسن مما كانت وببلاش وكان فضل الله عظيما sara_hegazi سارة_وبحيى
