ابويا مشاني من البيت

ومش هقبل انك تكلمني كده تاني

الاب

اه مش فاهم يعني ناوي تعمل ايه بقى ان شاء الله هتيجي تديني قلمين ولا هتمشيني من البيت ده ما هو اللي ليكون البيت باسمك ولا حاجه وانت مش عايز تقول

وليد

انا عمري ما شوفت حد بيعامل عياله زي ما انت ما بتعاملني كده هو انت في ايه من ساعه ما جبت عريس لاختي شهد وانت بتتكلم معايا بالطريقه دي

الاب

هو اللي زيك هيجيب عريس عدل ما اكيد صا.يع من الصا.يعين اللي انت بتمشي معاهم وانا مش هجوز اختك لواحد صايع

وليد

هو انت كنت قعدت معايا علشان تحكم عليه وتقول كده اتقي ربنا شويه

الاب

يا نهارك مش معدي يا واد انت انت بتقول لي انا اتقي ربنا طب ايه رايك بقى ما انتاش قاعد في البيت ده لحظه واحده امشي اطلع بره

وليد

لا هاجي هنا وهعيش ده بيت امي ومش بيتك انت وانا من حقي اعيش فيه

الاب وهو بيزقه

لا يا عين امك مش بيت امك ده بيت انا وامك باعته ليا قبل ما تمو.ت ويلا تطلع بره

وبعدها خرجت وخرجت شهد من اوضتها