ابويا مشاني من البيت

ط ط طب وانتي قولتي ايه لوليد انتي قولتي له كل ده يا أميرة

 

 

 

أميرة

 

ايوه حكيت له كل حاجة عن اللي سمعتها منك انتي وهي وقالي انه هيتصرف معاها ومع ابوه ومن بعدها معرفش ايه اللي حصل وبعدها عرفنا ان عمي قتـ,ــ,ـلها بس لما هو عمي عارف وهو اللي مجوزها اصلا قـ,ــ,ـتلها ليه

 

 

 

ندى

 

وانتي بقا يافالحة مستنتجتيش كده ليه بعد ما حكيتي لوليد على كل حاجة قولتي لنفسك ابوها اللي الناس متهمينه بأنه قتـ,ــ,ـلها ده هيقـ,ــ,ـتلها ليه وهو اصلا عارف كل حاجة وكل حاجة حاصله على يده

 

 

 

أميرة سكتت شوية وقالت لها

 

يعني تقصدي ايه يا ندى بكلامك ده تقصدي تقولي يعني ان وليد ممكن يكون هو اللي……. لا لا لا متقوليش كده ده وليد مفيش احن ولا أطيب منه في الدنيا يعمل كده ليه

 

ندى

 

ماهو عشان انتي متخلفه ومتسرعه ورحتي حكيتي له ان اخته متجوزة من وراه وحامل كمان روحي ياشيخة الله يسامحك بس لو كان هو اللي عمل فيها كده هنثبت عليه إزاي بقا الحكاية دي

 

 

 

أميرة

 

نعم ياختي ليه هو انتي عايزة تبلغي عنه كمان انتي عايزة تودي وليد في داهيه يا ندى

 

 

 

ندى

 

ده لازم ابلغ عنه لان اللي زي وليد ياحبيبتي يستاهل الإعدام عشان قـ,ــ,ـتل اخته وهي واحده بريئة وملهاش ذنب في اي حاجة واللي كان السبب عمي الله يسامحة هو كمان عمل فيها كده عشان الفلوس

 

 

 

أميرة

 

بقولك ايه يا ندى ياريت تسكتي ومتفتحيش الموضوع ده تاني ماشي

 

 

 

قالت لها كده ومشيت من قدامها

 

 

 

وفي مكان تاني كان واقف وليد ومعاه واحد وقاله

 

ابوك في البيت ده يا وليد انا شايفه بعيني قاعد عند الراجل اللي اسمه علي في البيت ده