في اللحظة دي على طلع شوية فلوس راح راميهم في وشة وقاله
خود حار ونار في جتتك راجل واطي
قال كلامه وسابة ومشي وبيت عم شهد اللي يبقا اخو فتحي مراتة قالت له
هو لسه مفيش اخبار عن اخوك ياعماد انا كده بصمت بالعشرة ان هو اللي قـ,ــ,ـتل بنتة بس البت تستاهل مقصوفة الرقبة دي اهي خلتك ما انتش عارف تمشي في البلد مش اللي عملته
عماد
يافتاح ياعليم يارزاق ياكريم ياولية اصطبحي على الصبح وبطلي تتكلمي عن البت اللي في دار الحق دلوقتي واحنا في دار الباطل وبعدين انتي عندك بنات عيب كده
روحية
فشررر ياحبيبي بناتى هو في زي بناتي في اخلاقهم ولا تربيتهم انا بناتى محدش يقدر يجيب سيرتهم بحاجة ياحبيبي
عماد
بقولك ايه انا ماشي والله ما انا قاعد لك في البيت يلا اشبعي بقا بيه
قال كلامه ومشي وخرجت ندى من جوه وقالت لها
في ايه يا ماما هو انتي كل شوية تتكلمي عن شهد كلام مش كويس حرام عليكي كلنا عارفين ان شهد بنت عمي كانت متربية كويس ومؤدبة
روحية
نعم ياروح امك وانتي كمان بتدافعي عنها ليه يابت انا غلطانة اني كنت بخلي البنت تيجي تقعد معاكم تصدقي اني فعلا غلطانة
ندى
يا ماما والله حرام عليكي بجد حرام متتكلميش عليها تاني لو سمحتي الله يخليكي
روحية
امشي يابنت عماد من قدامي بدال ما قوم لك بالشبشب امشي يابت انجري من قدامي
