خود يا معلم شد دي بقا اصطفا جديدة انما ايه خطيييرة هتاخدك لعالم تاني خالص وهتدعي لي عليها
واخد وليد منه البودرة وبدأ يشم فيها وقاله
ااه فعلا ياض يا سيد تصدق حلو فعلا الصنف ده اوي
سيد
طيب شد ياخويا شد كمان انا عارفك بتحب الحاجات الجديدة دي عشان كده قولت اخدمك واجيب لك الحاجات دي
وليد
والله انت بتفهم ياض ياسيد حبيبي حبيبي
سيد
الا بالحق يا وليد انت معرفتش ابوك فين لحد دلوقتي يعني مستخبي فين بالظبط بعد ما عمل عملته السودة دي
وليد
عملت ايه اللي بتتكلم عنها يا سيد دي
سيد
الله جرا ايه ياجدع هو انت يعني فاكر اني معرفش حاجة طب دي البلد كلها ملهاش سيرة غير ابوك اللي دبح اختك لما عرف انها حامل
اول لما وليد سمعه بيقول كده مسكة من رقبتة وقاله
انت بتقول ايه ياض انا اختي اشرف منك ومن اهلك كلهم انت ايه اللي بتقوله ده
سيد بيشيل ايد وليد اللي اصلا تايه وهو بيتكلم وقاله
اهدي ياعم ياوليد ايه ياعم وبعدين هو انا لوحدي اللي بقول الكلام ده بقولك الدنيا كلها عارفه الحكاية دي بص لو ابوك فعلا عمل كده يبقا ابوك راجل من ضهر راجل
وليد
ااه ياخويا راجل بس برضو عايز اعرف مكانه فين لاني مش هسيبة غير لما اعرف الحقيقه وبعدين انا اختي متعملش كده انا اختي مكنتش بتخرج من البيت خالص
