ممدوح
شكلك كده مش بتحبي تسمعي الكلام ولازم
تضربي اوي ب اول وبعدها ضربها
وفي شقه صغيره دخل مصطفي وقال
مصطفي
شفت يا ماما اللي جوزك عمله جوزك راح يتجوز عيله صغيره من سن عياله انا مش فاهم هو ليه بيعمل كده
الام
يا ابني خليه حتى يعمل حاجه حلال في حياته ما هو على طول كان مرافق الستات في الحرام ما لناش دعوه بالموضوع ده
مصطفي
ازاي يعني يا ماما لا طبعا انا لازم اخد حقي منه الفلوس اللي هو عمال يضيعها يمين وشمال دي من حقنا احنا
الام
والنبي يا مصطفى بلاش مشاكل مع ابوك انت مش قده يا حبيبي ما انت شايفه هو لما اتكلمنا معاك موضوع الجوازه وعمل فينا ايه وجابنا فين
مصطفي
طول ما انت عامله كده يا ماما هيفضل هو يعاملنا باسلوب مش كويس وبرحتك بقي
وبعدها دخل جوا
الام
والله ي ابني انا خايفه يعمل فيك انت
حاجه انا عارفه الراجل ده وبعدها
بدأت تفتكر اللي حصل
#فلاش باك
ممدوح ومراته قاعدين ودخل مصطفي
مصطفي
والله العظيم حرام عليك ان انت بتعمله فيا ده هو انت فاكر نفسك عيل صغير ولا ايه انا اصحابي يقولوا ليا ابوك واقف الكورنيش مع واحده من دور عياله
ممدوح
لما تتكلم مع ابوك يا ولد انت هتتكلم بادب انت سامع ولا لا وتوطي صوتك واياك تتكلم معايا بالطريقه دي تاني
مصطفي
مين البنت اللي انت كنت واقف معاها دي وازاي واقف معاها على الكورنيش كده قدام الناس كلها
ممدوح
هتبقى مراتي يا مصطفى عندك اعتراض على اي حاجه وما لكش دعوه انا اعمل اللي انا عايزه انا مش عيل صغير وفي الوقت ده قامت
نجيه مراته وقالت
نجيه
ايه الكلام اللي انت بتقوله ده لا انا سايباك طول عمرك تعمل اللي انت عايزه وقولت خلاص طالما الموضوع تسليه وبس انما توصل للجواز لا طبعا انا مش موافقه
ممدوح مسكها من أيدها وقال
ممدوح
مبقاش الا بنت السباك كمان تقول لي اعمل ايه وما اعملش ايه
انا اتجوز واعمل اللي انا عايزه مش كفايه مخليكي على ذمتي لحد دلوقتي وانا اصلا بستعر منك ان انا اخرج معاكي في اي مكان
