عصام
هههههههههههه انت عايز تدفع مصاريف اللي شغلتها على بنت اخويا انها ما تقلقش اخويا كان سايبني فلوس كثيره وهو اللي صرف على بنته
وبعدها مشي
سحر
ممكن اعرف بقى انتم عاملين كده ليه ان شاء الله انتم الاثنين انتم مش محسسين ان انا عروسه خالص وكانكم مش فرحانين
سميه
مش انت يا بنتي فرحانه انت كفايه قوي
وبعدها فعلا اتجوزت وتاني يوم الباب خبط وروحت فتحت
سحر
خير يا سيد جاي لممدوح ليه النهارده عشان النهارده صبحيته وانت عارف بالكلام ده كويس
اوي
سيد
انا جايه علشان اخد مفاتيح المحل علشان خاطر اقدر افتحه بعد اذنك نادي ليا المعلم
سحر
مش فاهمه نظرتك يا سيد اللي انت عملت بوست في الارض دي هي في حاجه ضايعه منك ولا ايه وبعدها خرج ممدوح ومسكني من ايدي دخلني جوه وبعدها اداله مفتاح وقال
ممدوح
الشقه دلوقتي بقى فيها واحده ست ما ينفعش انك تطلع هنا انت سامع ولا لا يا سيد لما تعوز اي حاجه رن ليا وانا هنزلك المفتاح بنفسي
سيد
انا اسف والله يا معلم حاضر ماشي هعمل اللي انت عايزه وبعدها نزل
ممدوح بغضب
ممكن اعرف ان شاء الله ازاي تفتحي الباب المظهر اللي انت طالعه بيه ده
سحر
هو انت كمان بتزعق لي بعد اللي حصل امبارح ونمت في اوضه وانا نمت في اوضه ده انت المفروض تطبطب عليا ليل ونهار على اللي حصل ده
ممدوح
بقولك يا بنت انت انا ما بحبش طريقه الكلام دي انت سامعه ولا لا وبلاش الطريقه اللي انت بتعمليها دي مش انا ياحبيبتي اللي يتقال ليه
كده
واعملي حسابك انك هتلبسي الحجاب من هنا ورايح مش هتنزلي من البيت من غير لبس واسع
سحر
نعم نعم ان شاء الله لا طبعا انا مش موافقه على الكلام ده وانت متجوزني وعارف ان انا بشعري عادي
