ساره بزعيق بقولك فين بيتها انطقي
هبه
اي انتى هتاخدي بكلامها ولا اي ي ساره كبري دماغك
ساره هتقولي ولا أمشى واحلف انى ما اعرفك تاني
هبه خلاص هدخل اللبس واجي معاكي
ساره لا انا هروح لوحدي وخدت منها العنوان
ومشيت ووقفت أوبر لان البنت كانت ساكنه في منطقه بعيدة جمب مقام غير معروف ولما وصلت كان في حلقه ذكر دخلت وسطهم وبقت تدور عليهم وفجأااااااه لقت ايد بتمسكها
وكانت البنت انا قولت انك هترجعيلى
سارة قربت منها ومسكتها من رقبتها پعنف كنا تلاته وبقينا اتنين ودلوقتى انا بسألك مين اللي هيكووون سبب عذابي ها انطقي
البنت بصوت مبحوح ھموت
ساره مين
البنت مش قادره تتنفس اللي هيكون سبب في عذابك.
رواية عڈبني حمايا الفصل الثالث
__ البنت مش قادره تتنفس وقالت اللي هيكون سبب في عذابك هو هو! وقبل ما تنطق في اللحظه دي عدت ست وشايله على ايدها عيل صغير خبطت في سارة يدوب اتلفتت تشوف مين البنت زقتها بكل قوتها وفلتت من ايدها وجريت
ساره وقعت على الأرض قامت بسرعه وجريت زي المجنونه علشان تلحقها
وفجأاااه لقت نفسها واقفه تايهه وسط حلقه الذكر بقت تبص عليها ومش لقياها خالص وكأنها فص ملح وداااب بس مكانتش مركزه مع البنت ع قد ما كانت مركزه مع الرجاله اللى بتردد كلمة واحده الله الله الله
سارة پبكاء واڼهيار بقت تردد زيهم
الله الله الله وجه ولد عمره حوالى ٨ سنين مسك ايدها هي بصتلوا اوى باستغراب شدها وخرجها بره حلقه الذكر
ساره انت مين مردش عليها واتفجأت ببنت جايه عليها وقالت للأسف ده أخرس لا بيسمع ولا بيتكلم
ساره بحزن اه انا اسفه
البنت بتبصلها من فوق لتحت شكلك كده مش من هنا انتي وعاوزه اي
ساره يعنى لو قولتلك هتساعدينى
البنت اسمع الأول ساره حكت لها اللى حصل كله من وقت ما قابله البنت بتاعه الودع لحد ما جريت منها
البنت بضحكه سخريه اه انتى وقعتى في ايدها
ساره هي مين دي
البنت اللى مبترحمش
ساره انا مش فاهمه قصدك اي
البنت مش هي قالتلك كنتوا تلاته وهتبئوا اتنين
ساره پخوف هزت دماغها بأاه
البنت حصل ولا محصلش
ساره حصل ومن وقتها وانا هتجنن أصلها قالتلى ان في حد هيكون سبب عذابي واكيد هي عارفاه وبعدين قالت بعد اسبوعين والمفروض انى كنت هتجوز في نفس الوقت ده
البنت بصي ي سارة
ساره بتعجب اي ده انتي عرفتي أسمى منين
البنت بتحذير قربت منها متسأليش اللى مكتوب على الجبين لازم تشوفوا العين
ساره هو انتى مين بالظبط
البنت انا مش مهم تعرفي
ساره طيب لو تعرفي البنت بتاعه الودع فين واسمها اي يبقى كتر خيرك
البنت بصتلها اوى وقربت منها وقالت لو عاوزه تطلعى من هنا وترجعى بيتك وانتى بخير متجيش هنا تانى وانسسسي رابحه خالص
ساره هي اسمها رابحه
البنت اوعى تنطقي اسمها قصادي دي ملعونه مبتقولش حاجة غير وتحصل
ساره بدون وعي قربت منها وشدتها من هدومها وبقت تصررخ يعنى اي انا هعيش في عڈاب طيب كانت تقولى مين سبب عذابى علشان ارتاح
البنت دورى حواليكى دورى في اعز ما ليكي وهترتاحي
سارة بتعجب وسرحت وهي بتفكر اعز ما ليا
وسابتها واتحركت خطوتين لقدااام
البنت انتى يااا
ساره بصت وراها
البنت بصعبانيه بقولك اول خميس في الشهر الساعه ١٢ بالليل رابحه هتكون هنا وخدت الولد ومشيت…
ساره ماشيه وبتكلم نفسها انا لازم اكون هنا اول خميس في الشهر لازم اعرف هي عارفه اي
خرجت بره المنطقه وخدت أوبر وروحت عالبيت
كان الوقت اتأخر والعزا خلص
ولما وصلت لقت ساهر جاي عليها
هو انتي كنتى فين سبتينى وسبتى الناس وروحتى فين قلقتيني عليكى
سارة مش بترد وسرحانه بصتلوا اوى وسألته
هو ممكن حد يعرف في علم الغيب
ساهر باستغراب اي
ساره رد عليا بأمانه هو فعلا في حد بيعرف في علم الغيب يعنى لو حد قالك حاجة واتحققت يبقى ده معناه اي
ساهر انتى شكلك تعبان وباين عليكى الإرهاق اطلعى دلوقتى ونبقى نكمل كلامنا بعدين
ساره لا انا عاوزاك ترد عليه يعنى لو حد قالك ان انا ھموت وانت مصدقتش بس بعد كده انا مت فعلا ده يبقى اي
ساهر ساره مفيش الكلام ده الاعمار بيد الله وحده وطبعا مقتنعتش واتعصبت وسابته وطلعت..
واول لما دخلت الشقه كانت مش مصدقه نفسها وبقت تنادي زي عادتها
