ايه ده مش عيب عليك يا استاذ سعيد اكون انا الدكتور بتاع العائله واكون متابع الحاله بتاعة المدام وماشي معاها خطوه خطوه وتولدها عند دكتور غيرى لا انت خاېف لأخد منك الحلاوه…. لا والله يا دكتور انا كنت انا والمدام في القاهره والولادة حصلت فاجئه وانت الي عارف بقي ومتابع الحاله بنفسك فا متزعلش مننا بقي… علي العموم الف مبروك ويتربا في عزكم وعز الإسلام ان شاء الله وسمتوه ايه ان شاء الله…اسمها سلمي… ههههه لااقصد الولد اسمه ايه… لا يا دكتور مش طلعت بنت….بنت ازاي مراتك كان في بطنها ولد… ولد ولد ازاي يا دكتور المستشفي قال ليا أنها بنت… يا استاذ سعيد اقسم لك ان مراتك كان في بطنها ولد…. ايه الكلام ده يا دكتور متجننيش ارجوك دا حتي البنت صحتها مش ولابود هلقيها منين ولا منين… طيب ممكن تجيب البنت والمدام اكشف عليهم… حاضر يا دكتور حاضر وهو ماشي من عند الدكتور بيكلم نفسه الدكتور اټجنن ولا ايه
ثاني يوم يحضر سعيد زوجته والطفله الي الدكتور في العياده للكشف
السلام عليكم يا دكتور..عليكم السلام ورحمة الله…ممكن تتفضلي يا مدام هنا وكشفي بطنك ايه ده انتي ولده قيصري….اه يا دكتور… البنج كان نصفي ولا كلي… كان كلي يا دكتور… تمام تمام اتفضلي قومي البنت اخبارها ايه في الرضاعه… والله يا دكتور بترجع وعندها اسهال علي طول…
طيب ممكن تجيبي ليا شويه لبن من صدرك في العلبه الصغيره دي…حاضر يا دكتور…اتفضلي مع الممرضه خدي منها عينه من البن وديها المعمل تتحلل…حاضر يا دكتور…استاذ سعيد البنت دي مش بنتك…
ولم تكشف القصه عن أسرارها بعد
انت بتقول ايه يا دكتور البنت مش بنتي ازاي يعني…. انا اقولك يا سيدي المدام انا كاشف عليها بدل المره الف ومتأكد ان اللي كان في بطنها ولد غير أن الجهاز السونار عندي بيسجل الفيديو تعالا تقريبا ده أحدث جهاز سونار في مصر كلها الإمكانيات اللي فيه مش في جهاز تاني ادخل اسم المدام علي الجهاز يظهر ليا كل المرات الي اتحتط علي الجهاز اتفضل يا سيدي ولد ولا مش ولد طيب دي اخر مره كشفت عليها شوف الي بعدها ولي بعدها ولي بعدها ولد انت ابنك اتسرق او اتبدل بعدين المدام كانت تولد طبيعي مش محتاجه
قيصري وبعدين القيصري مش محتاج بنج كلي كان نصفي وخلاص علي الاقل كانت المدام هتشوف الطفل وهتكون صاحيه في چريمه حصلت ولي هيأكد كلامي من غير تحليل اللبن كمان…ازاي هتعرف يا دكتور من اللبن… ربنا بيقول في القرأن ولذكر مثل حظ الانثيين… يعني ايه يا دكتور… يعني ربنا قال ان الذكر نصيبه في الميراث وتركه قد بنتين حتي في لبن الام الذكر ربنا بيديله قد بنتين… في الكميه يعني… لا في الفيتامينات لبن الذكر ثمين وتقيل انما لبن البنت خفيف عشان كميه الفيتامينات مش قد الولد اسمع مني ودور علي ابنك وشوف اتسرق منك ازاي… يعني اعمل ايه دلوقتي قولي يدكتور… اول حاجه تبلغ الشرطه باسم المستشفي وبعدين تطلع علي المستشفي ما تمشيش قبل ما تعرف ابنك فين وربنا يسترها
حدث بالفعل وابلغ الشرطه وتحركة قوه من الشرطه معه.
هوه ده المستشفي يا باشااا وده الدكتور الي موالد زوجتي…. خير يا جماعه في ايه بس… انت الدكتور صاحب المستشفي دي… لا انا دكتور شغال هنا انما لو عيزين مدير المستشفي نجيبه حالا بس افهم فيه
—
ايه…فيه ان الراجل ده بيتهمكم انكم بدلتوا الطفل بتاعه بدل ما كان ولد اخد بنت…. هههههه حضرتك هوه سوبر ماركت ما نتكلم كلام معقول الراجل ده ايجه لنا بليل فعلا من ٤أيام وكانت حالة مراته خطړ وولدنها قيصري واول ما المولوده تطلعت هوه استلامها بعد ما قدمنا لها الازم من خدمات طبيه ودي سمعه مستشفي كبيره من اكبر مستشفيات البلد انت اكيد حد لعب في دماغك وقلك تعمل كده صح… لعب في دماغ مين يا حرميه يا ڼصابين انا عايز ابني ويحدث شجار عڼيف في المستشفي وتتدخل الشرطه لفض الشجار الذي حدث
وترحل الشرطه من المستشفي لإن سعيد لم يقدم أي شي يثبت صحة كلامه وكاد ان يعرض نفسه المسأله القانونيه بعد اعتدائه علي احد الأطباء في المستشفي.
الووو ازيك يا دكتور خالد شوفت الي حصل الراجل ده الي ايجه بليل من ٣او٤ أيام ومراته ولدت عندنا في المستشفي جايب الشرطه وبيقول ان احنا سرقنا ابنه ودناله مكانها بنت…. وانت عملت ايه… لا احنا تمام مفيش حاجه دا حتي اعتدا عليا وعملتله محضر في الشرطه… تمام شوف الموضوع ده انا مش عايز شوشره للمستشفي
ولم تكشف القصه عن أسرارها بعد
يعني انا اطلع قوه من قسم الشرطه وطلع معاك تعاطفا معاك وقلت يمكن ليك حق واقدر اسبته ليك وفي الاخر عايز تعمل چريمه طيب البس بقي اهو المستشفى عمل ليك محضر تعدي بالضړب علي العاملين بالمستشفى في أثناء وجود الشرطه…يا باشاااا دول سرقوا ابني والله…بلا باشااا بلااا زفت خده يا عسكري لما اشوف له حل يمكن الدكتور يتنازل عن المحضر..
وبعد تدخل الضابط المحترم تم تنازل عن المحضر من قبل إدارة المستشفي..وذهب سعيد الي الدكتور محمود مكتشف الچريمه ويقص عليه ما حدث…
ايه يا استاذ سعيد عملت ايه… عمل اسود يا دكتور والله انا رحت للمستشفي ونكرو كل حاجه اتوترت عملت مشكله وتعملي محضر المهم اتنزلوا عن المحضر بعد ما مضيت علي ورقه عدم تعرض لهم تاني…والله يا استاذ سعيد كل ما الوقت بيمر عليك هيبقا صعب ترجع فيه ابنك لازم تفكر وتشوف هتعمل ايه بسرعه عشان الوقت بيمر…مش عارف دبرني انت يا دكتور… والله يا استاذ سعيد انا دخلت علي الفيس وعملت بحث كده عن اسم المستشفي لقيته طالب ممرضين وممرضات حديثي التخرج للعمل في المستشفي… يا منت كريم يارب انا ابن اخويا في معهد تمريض..لا هما طلبين ناس متخرجه… يا دكتور اهي محاوله يمكن يقبلوه يبقي لينا عين داخل المستشفي ونعرف ايه الي بيحصل جوه ويمكن اعرف ابني فين وبالفعل تقدم سعد ابن اخو سعيد للعمل في المستشفي بجوار دراسته وقد حكي عن ظرف المعيشه الصعبه التي يمر بها وستعطف إدارة المستشفي فوافقوا بشرط أن يوضع تحت الاختبار وبدء سعد في كسب ثقه الأطباء والعاملين في إدارة المستشفي بخفة ظله وأصبح محبوب من الجميع حتي تفتحت الأبواب أمامه وتكشفت الحقيقه أمامه وكيف يدار المستشفي وكيف يعمل.
ايه يا سعد وصلت لحاجه يا ابني.. صلت لكل حاجه يعمي وكلامك ليا طلع مظبوط وفعلا انا صدقتك دلوقتي المستشفي دي بتعمل عمليات مشپوه كتير تبديل اطفال سرقه اطفال الموضوع كبير والي وصلتله لحد دلوقتي ان اغلبيه الأطفال بتسافر بره مصر بس ازاي لسه معرفتش…. يعني ايه ابني فين سعد… والله يا عمي لسه انا مش عايز اسأل كتير عشان محدش يشك فيا بس انا هحاول… بسرعه يا سعد
—
مرات عمك مش بتنيمني من كتر العياط هتتجنن يا سعد…حاضر يا عمي ربنا يسترها .وبعد ثلاث ايام.
الو ايوا يا عمي… خير يا سعد وصلت لحاجه..ايوا حاجه خطېر انا خاېف يا عمي… خير يا سعد قول يا ابني…مش خير يا عمي مش خير
عمي انا خاېف يا عمي…خير يا سعد قول…مش خير يا عمي…ايه الي حصل يا ابني متوجعش قلبي
انا اكتشفت ان الأطفال بتسافر دول الخليج وبأوراق رسميه يعني حتي لو عرفت ابنك وفين مكانه مش هتقدر تثبت ده ولو ثبت ده هيكون سافر وخرج بره البلد…. يعني ايه وازاي… الأطفال بتتكتب بأسماء ناس تانيه بشهادات ميلاد رسميه
…يعني ايه خلاص ابني ضاع… لسه في امل يا عمي في عشر اولاد هيخرجوا النهارده من المستشفي…هيروحوا فين.. مش عارف والله بس احتمال هيخرجوا بره مصر الأطفال دي موجوده في الدور الرابع في المستشفي وممنوع أي حد يقرب من الدور ده…. وانا عايز ابني يا سعد..هيرجع وياعمي ان شاء الله انا هحاول ادخلك المستشفي النهارده ونت وشطارتك بقي تعرف تخرج ابنك من المستشفي يا ريت يا سعد ارجوك تدخلني المستشفي…اسمع انت هتدخل المستشفي عن طريق الإسعاف كأنك عامل حاډث وبعدين انا يسعدك انك تنزل الطابق الأرضي موجود هناك المطبخ والمغسله في الف حته وحته تقدر تستخبي فيها لحد بليل وبعد كده انا هخرجك وطلعك لحد الدور الثاني التالت والرابع اتعامل انت بقي مع نفسك عشان لو مسكوك متكشفش انا ويبقي خربت علينا احنا الاتنين انا هديك مخدر رش تستخدمه عند الزوم ماشي. القصه للكاتب احمد سليم..حاضر يا ابني ربنا يسترها معاك ويكرمنا يارب…اسمع انت هتفضل علي اتصال بيا يعني خط التلفون مينفصلش عشان تقولي انت بتعمل ايه وهتعمل ايه عشان اعرف اتصرف…ماشي اهو حتي تقولي اعمل ايه وتصرف ازاي…ماشي
تمت الخطه بنجاح وتم دخول الأستاذ سعيد المستشفي بمساعدة ابن أخيه وتم دخول الدور الرابع أثناء تبديل ورديات العمل وبدء البحث عن غرفة الأطفال ووجدها بالفعل..
الو ايوا يا سعد انا وصلت لغرفة الأطفال الحمد…. طيب الحمد لله خد ابنك ونزل بسرعه قبل ما حد يحس بيك… دول عشره اطفال يا سعد… ايوا يا عمي انا عارف خد ابنك بقي ونزل بسرعه… المشكله انا مش عارف شكل ابني ايه يا سعد
ولم تكشف القصه عن أسرارها بعد
ايوا يا عمي خد ابنك بقي ونزل بسرعه… انا مش عارف شكل ابني ايه يا سعد… انت بتقول ايه.. اي والله انا مش عارف شكل ابني… طيب استنضف عيل وخده ونزل قبل ما حد يجي عليك… انت بتهزر يا سعد…طيب اعمل ايه دلوقتي اخلص لو حد طلع وشافك مش هتنزل تاني ھتموت عندك خلص ونزل بسرعه… انا عايز ابني يا سعد…. عندك ١٠ اطفال خدلك واحد ونزل… سعد انا عندي فكره…قول يا ابو الأفكار قول شكلك مش عايز تزل من فوق غير مېت قول… انا هاخد ١٠ اطفال دول… لا يا شيخ هتخدهم ازاي بقي ايه في اكياس صح…ايوا يواا في كياس… ازاي بقي متجننيش معاك دا لو عيل عيط بس الدنيا هتتقلب علي دماغك… لا ما انا مش هخلي حد يعيط…هتعمل ايه هتخنقهم ولا هتبرشم بقهم…. لا هرش عليهم مخدر من الي معايا يا خفيف… يعم اعمل الي انت عايز تعمله بس انزل بسرعه… خلاص انا قسمتهم علي مجموعتين كل مجموعه في كيس بس اعمل شويه قلق تحت عندك بحيث لما
—
انزل محدش ياخد باله مني… قلق ازاي يعني اي حاجه مشكله حريقه… لا انا اعمل حريقه اسهل في غرفه فاضيه فيها سراير انا هولع فيها.. تمام يا سعد بسرعه انا نازل… وبالفعل تمت العمليه تمت بنجاح وتم خروج الأطفال من المستشفي في اكياس الزباله سوداء ولكن كميرات المراقبه الخارجيه بالمستشفي ظهر فيها سعيد وهو يخرج من باب المستشفي ويحمل في يده الاكياس
وذهب سعيد الي الدكتور محمود الذي أكتشف سرقه طفله
السلام عليكم يا دكتور..وعليكم السلام يا استاذ سعيد قلبي معاك عملت ايه في موضوع ابنك ده ايه الاكياس دي فيها ايه… الاكياس دي فيها اطفال كانت مسروقه وانا سرقتها من المستشفي… يا نهار اسود طلع الأطفال دول شكلهم ماتوا… لا ممتوش ده مخدر انا رشه عليهم عشان ميعملوش صوت.. مخدر ايه بس ربنا يستر طلع طلع الحمد لله الأطفال كويسين ١٠اطفال… اه كانوا مسروقين وابني فيهم بس انا مش عارف ابني مين فيهم بالظبط… لا متقلقش سهل جدا نعرفه المشكله عيزين نعرف اهل الأطفال دي… لحظه بس يا دكتور اخويا بيتصل بيا… الوو ايوا يا محمد خير في حاجه…. ابني يا سعيد وهو يبكي بحرقه … سعد مالو سعد… سعد اټقتل دمدبوح يا سعيد انت السبب.
ويسقط الهاتف من يد سعيد علي الأرض ويدخل في نوبة وبكاء شديد
الوووو يا سعيد ابني م١ت مقتول انت السبب يا سعيد
سعيد يسمع الخبر وكأن صاعقه نزلت عليه من السماء ويسقط الهاتف من يده من صعوبة الخبر ولم تكتفي المصائب إلي ذلك حضرت الشرطه إلي عيادته الدكتور الموجود بها سعيد واخذته بتهمه خطڤ اطفال من المستشفى وقتل ابن أخيه
انت سعيد…. ايوااا انا سعيد خير في ايه تاني…. انت متهم پقتل ابن اخوك وسرقه اطفال حديثي الولادة من المستشفى… انا اقتل ابن اخويا محصلش والله محصلش انا عارف إلي قتل ابن اخويا وكمان سرق ابني
اتفضل معانا وقول إلي انته عايزه في التحقيقات يلاااا من غير شوشره وهيصه عشان مستعملش معاك العڼف..
وبالفعل ذهب سعيد إلي قسم الشرطه وتوجهت له كل التهم المذكورة سابقا وكان سعيد مريض ضغط فرتفع الضغط عند سعيد وخرج الډم من انفه واغشى عليه وتم نقله إلي أقرب مستشفي
انت بتعمل ايه يا عسكري… هلبس المتهم الكلبش يا دكتور… مينفعش ده الضغط عالي عليه ېموت فيها…مليش دعوه يا دكتور انا بنفذ الاوامر يا دكتور… فين الظابط إلي معاك… لا هنا امين الشرطه مش الظابط…اندهولي… يا حضرت الأمين يا حضرت الأمين…عايز ايه يا عسكري…كلم الدكتور عايزك…خير يا دكتور… دلوقتي المتهم إلي انتوا جيبينه الضغط عالي جدا عليه ومينفعش يلبس الكلبش ده ممكن ېموت فيها وانا بخلي مسؤليتي ومسؤليت المستشفى لو حصل له حاجه ومضي ليا علي الإقرار ده لو حصل له حاجه انت المسؤل…. انا مش همضي علي حاجه يكش يولع وانا مالي… طيب وايه الحل بقي… مليش فيه… كده ھيموت يا حضرت الأمين…. ېموت احسن ما يهرب مني اسمع يا عسكري فك الكلبش من ايده وخليك قاعد جنب السرير بتاعه فاهم اوع عينك تغيب من عليه هنفخك… حاضر يا فندم…القصه للكاتب احمد سليم
وبعد أكثر من ثلاث ساعات متواصله وسعيد مغمي عليه في السرير والابر في جسمه ودراعه. العسكري عايز يدخل الحمام لقضاء حاجته
يعني ايه يعني انا عايز ادخل الحمام هعملها علي نفسي ولا ايه ما انا لازم ادخل الحمام يعني مغمي عليه المده دي كلها
—
وهيفوق دلوقتي انا هدخل الحمام ورجع بسرعه محدش بيحس بي حد
وبالفعل ترك العسكري الحارسه ودخل الحمام وهنا يستيقظ سعيد من الاغماء ويعود لرشده
ايه ده انا فين ايه ده مستشفي انا ايه إلي جبني هنا ايوااا اكيد لما تعبت في قسم الشرطه واغما عليا جبوني هنا انا لازم اهرب بسرعه
ويفتح سعيد باب الغرفه إلي كان فيها ويتفقد الوضع دون أن يشعر أحد به رأي العسكري يمشي في الممر المؤدي إلي الغرفه التي هو بها
اعمل ايه يا ربي انا لازم اهرب ايوه الشباك مفيش غير الشباك
وبالفعل فتح الشباك وجد نفسه في الدور الثالث ولم يستطع القفز فا نظر يمين ويسار وجد مصورة الصرف الصحي فا نزل من عليها فا رأه العسكري وهو يهرب
يا حضرت الأمين الحق يا حضرة الأمين المتهم بيهرب يا حضرة الأمين…. بيهرب ازاي يا عسكري الله ېخرب بيتك وبيت اهلك انا هطلع عينك يا ابن الكلب انته انزل ورأه انزل… انزل ازاي يا حضرة الأمين… كده زي ما نزل بسرعه يا عسكري..
العسكري بيكلم نفسه انا عارف انها سنه سوده من الاول محدش سمع كلامي
وتمكن سعيد من الهروب ولم يعرف أحد مكانه حتي الان وماذا سيفعل لأسبات برائته….
وبعد أن تمكن سعيد من الهرب لا يدري أين يذهب
الووو ايوا يا دكتور…سعيد انت فين يا سعيد…انا هربت يا دكتور…هربت! هربت ازاي… هربت وخلاص يا دكتور المهم انا عايز حته اختفي فيها يومين…انت فين دلوقتي
القصه للكاتب احمد سليم
انا تحت العياده في الشارع..طيب اطلع علي اول الشارع أدخل عماره ٦وستخبا تحت السلم هناك لما اجيلك…. تسلم يا دكتور متتاخرش عليا…حاضر يا سعيد
الشرطه تراقب الطبيب لانها تعلم علم اليقين أن سعيد سوف يلجء الطبيب وبالفعل تم القبض علي سعيد مره اخري سعيد لا حول له ولا قوه الآن وسوف يري مصير اسود
وبعد أن واجه سعيد بالتهم المنسوبه له ولم يستطيع اثبات برئته لان كميرات المستشفى قد صورة السرقه بالكامل ومرفقه في اوراق القضيه وايضا توجه له تهمة قتل سعد ابن أخيه
وفي يوم القضيه وكل شي ضدد سعيد حدث شئ غريب وغير المتوقع
اتي في الصباح شاب في مقتبل عمره ويطلب مقابلة الدكتور صديق سعيد
السلام عليكم…وعليكم السلام… اتفضل خير طالب تقابلني في حاجه
..خير يا دكتور أن شاء مالك كده مخضوض… والله يا ابني لازم اتخض المهم خير في حاجه… اعرفك بنفسي انا ابراهيم حارس امن في المستشفي الي اټقتل فيها سعد…هوه سعد مقتول في المستشفي مش قدام بيته..لا مقتول في المستشفي ودليل برائة الأستاذ سعيد معايا كلها وانا بستلم الورديه بتاعتي في المستشفي لئيت الكاميرات مش شغاله فتحت الجهاز وشفت الچريمه كامله سحبتها علي الفلاشه دي ومسحتها من علي الجهاز في المستشفي عشان محدش يشك فيا وده اوراق تثبت أن فيه عمليات مشبوهه زي بيع اطفال وحجات مشپوه كتير اتفضل الاوراق والفلاشه يا دكتور وانت متعرفنيش ولا شوفتني…طيب انت عملت كده ليه وايه المقابل…المقابل انا اخدته من سعد الله يرحمه سعد لما ايجا وشتغل عندنا في المستشفي بقينا اصحاب واكتر من الاخوات تصدق سعد مكنش بيقبض الراتب بتاعه كان بيدهولي عشان اساعد نفسي واعرف اصرف علي بيتي واجيب العلاج لابني المړيض والخير الي عمله معايا بيتردله دلوقتي
كل حاجه موجوده معاك وياريت تعرف تجيب حق سعد وللمره الاخيره يا دكتور انت متعرفنيش ولا شوفتني انا عندي عيال عايز اربيها
…حاضر حاضر انا متشكر خالص ليك….وبعد الادله
الموجوده والموثقه صوت وصوره وأوراق قام سعيد بتسليم نفسه الي الشرطه وقدم هو والطبيب دليل البراءه للقاضي وحكمت المحكمه ببراءة سعيد والكشف علي الأطفال لمعرفه هويتهم للرجوع الي اهلهم الأصليين. والتحقيق مع جميع العاملين بالمستشفي بعد غلقه..نهايه
تمت بحمد لله
