انا اسمي (بسمه).. ماما مدرسه وبابا موظف وعايشين في حي شعبي حياه عاديه ماما طول اليوم بره البيت تخلص المدرسه تطلع علي الدروس الخصوصيه وترجع اخر اليوم تعبانه ومش طايقه حد يكلمها .. وبابا يرجع من شغله العصر يتغدي ويرتاح شويه وينزل يقعد مع صحابه ميرجعش غير علي النوم .. واخويا الصغير طول اليوم في الشارع مفيش رقيب عليه ولا حد يقول له بتعمل ايه ولا رايح فين كنت انا واختي طول الوقت قاعدين في البيت لوحدنا … ماما وبابا اتجوزو كبار في السن بابا كان ٤٠وماما ٣٦ وخلفونا ورا بعض فرق بين كل واحد والتاني سنتين.. علشان كده ماما كانت مدلعانا علي الاخر مفيش طلب نطلبه الا ويكون موجود عمرها ما رفضت لحد فينا اي طلب .. واسلوبها ده مكانش عاجب بابا وكان سبب مشاكل بينهم انا مكانش في دماغي غير اني اخلص دراستي واشتغل .. عمري ما حبيت حد ولا كلمت حد زي باقي البنات الي في سني رغم ان ظروفي كانت تسمح لي اتعرف كل يوم علي واحد بس انا مش في بالي الموضوع ده اول مخلصت كليتي. اتقد.م لي واحد من منطقتنا انا مكونتش اعرفه لكن هو قال انه متابعني من فتره ولاحظ اني محترمه وموءدبه ومش بروح هنا ولا هنا من البيت للكليه ومن الكليه للبيت وعجبته اخلاقي وعلشان كده اتقدم لي بس انا رفضت مكونتش عايزه ارتبط دلوقتي كنت عايزه اشتغل واطور نفسي لما رفضته هو مستسلمش فضل كل مخرج الاقيه في وشي ويمشي ورايا ويحاول يكلمني ويجيب لي هدايا ويبعت لي ناس يكلموني .. عمل المستحيل علشان اوافق اتجوزه.. فضل علي الحال ده سنتين .. بصراحه مخبيش عليكم انا كنت مستمتعه بالحكايه دي.. شايفه واحد بيحبني وهيـ ـموت عليا وبيحاول يعمل اي حاجه علشان بس اوافق عليه بس فجاه بعد مافات سنتين وبدون اي. مقد.مات اختفي .. مبقيتش اشوفه ولا المحه ولا بقيت اعرف عنه اي حاجه… وقتها حسيت ان قلبي وجعني.. حسيت ان حاجه مهمه ضاعت مني.. مش عارفه ده حب ولا تعود بس بصراحه حسيت بفراغ كبير .. هو كان بيحاول يرضيني باي شكل رغم اني كنت بهزوءه وعمره ما شاف مني. معامله حلوه…لما اختفي فجاه حسيت اني ند.مت علي الاوقات الي ضيعتها .. ند.مت علي السنتين الي سبته يجري ورايا فيهم من غير ميشوف مني اي اهتمام فضل مختفي تلات شهور وانا كل يوم بستناه ومتوقعه اشوفه لما انزل وبدور عليه في كل مكان كان بيستناني فيه .. وقتها بدات اكتئب وبقيت حزينه حتي الناس الي يعرفوني لاحظو وكانو بيسالوني مالك؟ لكن مكونتش بقول لهم حاجه جربت اكتر من مره اتصل بالرقم الي كان بيكلمني منه لقيته مقفول .. حاولت اسال الناس الي كان بيخليهم يكلموني. .. كلهم قالو انه اختفي فجاه ومحدش منهم يعرف عنه حاجه ماما لاحظت اني متغيره وشكت ان الموضوع فيه حب .. وسالتني وحكيت لها كل حاجه وكانت دي اول مره اتكلم في الموضوع ده مع حد.. ماما قالت لي يابنتي مش هتاخدي غير نصيبك ولو لكي نصيب فيه هيرجع .. متعـ،ـذبيش نفسك ع الفاضي بقيت كل يوم ادعي ربنا وانا بصلي انه يرجع والله وقتها ما هضيع لحظه من غير مكون معاه .. انا خلاص اتعلمت فاتت شهور.. ومفيش جديد .. بدات اتقبل الوضع وقولت لنفسي خلاص هو مش هيرجع وبصراحه عنده حق هو شاف ايه مني يخليه يرجع؟.. انا الي ضيعته من ايديا ويقيت عايشه حياتي من غير طعم بروح شغلي وارجع من شغلي انام علشان اصحي تاني يوم اروح الشغل وخلاص ووفي يوم نزلت علشان اروح شغلي زي كل يوم وفجاه وانا ماشيه لقيته قدامي … ايوه هو (زياد) .. حسيت وقتها ان قلبي هيخرج من مكانه .. وان دقاته مسموعه للناس الي حواليا.. حسيت اني دايخه من الفرحه .. وسالته انت كنت فين وليه اختفيت فجاه؟ بصلي و قال لي…. بسمة ووفي يوم نزلت علشان اروح شغلي زي كل يوم وفجاه وانا ماشيه لقيته قدامي … ايوه هو (زياد).. حسيت وقتها ان قلبي هيخرج من مكانه.. وان دقاته مسموعه للناس الي حواليا.. حسيت اني دايخه من الفرحه.. وسالته انت كنت فين وليه اختفيت فجاه؟ قال لي بابتسامته الحلوه.. علشان اوحشك بصيت له وانا بقول.. انا مستحيل اضيعك من بين ايديا تاني.. الفتره الي اختفيت فيها دي انا حسيت بقيمتك عندي.. واكتشفت اني مقدرش اعيش من غيرك.. قعد يضحك وقال لي لو اعرف كده كنت اختفيت من زمان.. قال لي انا مستني اللحظه دي من سنين.. وبعدها باسبوع جاب اهله وجه اتقدم لي تاني.. بس المره دي الوضع مختلف.. المره دي حبيبي الي اتقدم لي مش واحد معرفوش.. اهله ناس طيبين جدا ومامته بتحبني ومكانتش زعلانه ولا جابت سيره اني رفضت ابنها قبل كده اتخطبنا انا وزياد وبعد خمس شهور كتبنا الكتاب.. وبدانا نجهز شقتنا وهو بيقول لي كفايه ضيعتي سنتين من عمرنا ع الفاضي وفي يوم كلمني وقال لي انا جبت الصالون مش هتيجي تشوفيه ؟ بسمة قولت له انا شوفته في الصور.. قال لا علي الطبيعه يختلف هو انتي خايفه مني ولا ايه؟ ده انا جوزك.. قولت له لا مش خايفه ولا حاجه طيب خلاص هاجي بعد مخلص شغلي.. وفعلا خلصت شغل وروحت علي شقتنا ودخلت لقيت الصالون.. كان شكله حلو جدا وانا كنت فرحانه وبفرح كل منجيب حاجه جديده في شقتنا.. وفجاه لقيته بدا يقرب مني ولما بعدت عنه قال لي في ايه؟ انا جوزك.. هو كتب الكتاب ده هزار ؟… وفضل يلح عليا لحد مضعفت.. انا كنت ضعيفه قدامه اصلا لاني اول مره احب.. هو ده حبيب عمري وجوزي.. وفعلا حصل الي حصل … فضلت اعيط ومنهاره وهو يقول لي فيه ايه يابنتي؟ انا جوزك وخلاص كلها كام يوم وهنبقي في بيتنا.. وجاب لي عصير شربته وهديت شويه.. وبعد مهديت قال لي متقوليش لحد الي حصل بينا حتي مامتك واقرب الناس.. انتي مراتي ودي حاجه خاصه بيني وبينك بسمة في اليوم ده رجعت البيت وانا خايفه وحاسه اني عملت حاجه حرام رغم انه جوزي بس كنت حاسه اني خو/نت اهلي ايوه.. التقاليد بتقول الدخله دي بتكون بعد الفرح.. بس خلاص الي حصل حصل هعمل ايه؟ وبعدين انا متاكده من حبه ليا ده جري ورايا سنتين لحد موافقت عليه… وبعدين خلاص الفرح قرب وبقي كل يومين يكلمني اروح له الشقه وطبعا مش برفض.. هرفض ليه؟ مخلاص الي كنت خايفه منه حصل مبقاش في حاجه اخاف عليها وبعد اسبوعين كنت معاه في شقتنا زي كل مره ولقيته بيقول لي.. بصي يا حبيبتي انا خلاص مبقيتش عايز الجوازه دي.. انا مش عايز اتجوز.. انتي طالق.. قال الكلمه بسرعه ومن غير اي مقدمات.. انا اتصدمت وقولت له ايه؟ انت قولت ايه؟.. طلقتني؟؟؟؟؟ ليه؟ انا عملت لك ايه يازياد؟… ده انا مراتك حبيبتك… ضحك وقال لي مراتي وحبيبتي؟ دا أنتي.. ضحك وقال لي مراتي وحبيبتي؟ ده انتي وريتيني الذ/ل ياشيخه… خليتيني ماشي وراكي سنتين في الشوارع زي الكلب.. وانتي عامله نفسك زي ميكون مفيش زيك في الكون.. علي ايه؟ ده انتي عاديه واقل من العاديه كمان بسمة وبصراحه انا اتجوزتك تحدي.. كنت مراهن نفسي اني لازم اوصل لك علشان اقول لك رساله.. مش انا يا ماما الي اترفض… انا وقفت مصدومه حاسه اني بحلماو في كابوس كمل كلامه وقال لي والعلاقه الي حصلت بينا دي مش مسوءليتي.. روحي قولي لاهلك لو عندك الشجاعه ووقتها شوفي هيقولو لك ايه.. انا. الغلطان ولا انتي؟ محسيتش بنفسي الا وانا بنزل علي رجليه ابوسهم واترجاه انه ميسبنيش وميعملش معايا كده… طيب حتي نعمل الفرح وبعد كده يبقي يطلقني بس دلوقتي لو سابني هتبقي فضيحه.. بس هو رفض وخلاني لبست هدومي وطردني من الشقه رجعت البيت دخلت اوضتي فضلت اعيط زي المجنونه. رايحه جايه في الاوضه.. معقول زياد يطلقني..؟.. وقبل فرحنا بايام؟ طيب هقول للناس ايه؟… ماما وبابا ذنبهم ايه يتفضحو. .طبعا محدش هيصدق ان جوزي الي عمل معايا كده الناس كلها هتقول انه طلقني علشان شاف عليا حاجه..طلقني علشان شاف عليا حاجه..محدش هيصدق ان هو الي طلع خ/اين وانه عمل عملته وبعد كده سابني.. اتفضحنا انا واهلي.. كل العيله فرحانه وبتجهز لفرحي.. فرحي الي باقي عليه ايام ف بسمة فضلت علي الحال ده اسبوع مش عارفه استوعب الي حصل زياد كلم اهله واهلي وقال لهم انا خلاص مش عايز بسمه وطلقتها.. كلهم اتصدمو وكلهم بيسالو عن السبب. . قال لهم بكل بساطه احنا متفاهمناش … وانا بصراحه مقدرتش اتكلم ولا ادافع عن نفسي..هقول ايه؟ جوزي اغتص/بني؟ طيب مهي غلطتي اني روحت معاه الشقه.. وكده هفضح نفسي واهلي..انا حاسه اني جبانه وغلطانه اني معرفتش اهلي من اول ما حصل الي حصل كان وقتها بابا هيعرف يوقفه عند حده ويجبره يتمم الجوازه.. انا ليه سكتت؟ ليه ضعفت؟ بس دلوقتي خلاص مينفعش اتكلم.. اهلي بيواسوني ويقولو لي انتي مش خسرانه حاجه والحمد لله انه عمل كده قبل الفرح وقبل الفاس متقع في الراس.. في داهيه. بكره يجي لك سيد سيده… هم ميعرفوش الي فيها للاسف انا حاسه ان حياتي انتهت ووقفت لحد كده وحكيت لكم حكايتي علشان تكون عبره لكل بنت اوعي تثقي في اي حد حتي لو جوزك وكاتبين الكتاب.. مهما قال واتحايل عليكي وهددك اوعي تضعفي … متسلميش نفسك له الا بعد الفرح لان الجواز اصله الاشهار لكن كتب الكتاب وحده مش كفايه… اتعلمي من حكايتي.. وياريت الاهل ياخدو عبره من حكايتي بلاش تكتبو الكتاب الا مع الفرح علشان تحمو. بناتكم من الموقف ده
