حازم
لا لا خلاص انا بهزر طبعا انا مش عايزك تبطلي كلام معايا من هنا ورايح وكنت مبسوطه اوي بكلامة معايا وهو كمان
وبقيت كل يوم اروح الجامعة واستني حازم يجي عشان اشوفه وفي يوم لقيته بيقولي
حازم
بصي يارانيا انا عايز اعترفلك بحاجة انا ماساعت ماشوفتك وانا بفكر فيكي ومش قادر انساكي ابدا رانيا انا بحبك وعايز اتجوزك
رانيا بكسوف
انت فاجاتني ياحازم مش عارفه ارد
حازم
طيب خلاص هديكي يوم تفكري بس يوم واحد بس وتردي عليا بسرعه ارجوكي يارانيا انا مش هقدر ابعد عنك
وسبني فعلا افكر وقالي اعرف بابا انه عايز يتقدملي ورحت قولت لبابا لقيت بابا بيقولي
سالم
وانتي تعرفية منين يارانيا
رانيا
ده يابابا اخو واحدة صحبتي هو بصراحة شاب كويس اوي ومكافح زيك بالظبط يابابا انت لو اعدت معاه هتعجب بيه اوي
سالم
خلاص خليه يكلمني واشوف حكايتة ايه ده
وفعلا حازم كلم بابا واخد منه ميعاد يروح يقابل بابا في شركتة وطبعا كان وليد مع بابا في الوقت اللي حازم راح لبابا فيه بحكم ان وليد مدير الشركة بتاعت بابا ودخل حازم مكتب بابا
]حازم
سلام عليكم ازي حضرتك يا سالم بيه اعرف بنفسي انا حازم
سالم
اهلا وسهلا يا ابني اتفضل ممكن تسبنا لوحدنا شوية ياوليد
وليد بيبص لحازم وقال
حاضر ياعمي
وخرج حازم من مكتب بابا وبابا فضل يتكلم مع حازم كتير وطبعا وليد مكنش عجبه خالص ولما حازم خرج من عند بابا
دخل وليد عند بابا وقال
مين ده ياعمي
سالم
ده شاب اسمة حازم كان جايلي بخصوص رانيا بنتي جاي يتعرف عليا عشان طالب ايد رانيا بس شكله ولد مؤدب وبصراحة عجبني
وليد
نعم ايه طالب ايد رانيا وانت بقا ياعمي ناوي توافق على ده بعد ما رفضتني انا
سالم بيزعق
جرا ايه ياوليد منا قولتلك ان رانيا مش عايزاك ولا انت عايز تتجوزها ڠصب عنها
وليد
والله اللي اعرفه اني انا اولى بيها من الغريب
سالم
وهي مش عايزاك ياريت تفهم بقا
